لك الحب وحدك ياعراق)) بقلم الشاعرمحمدكريم راضي البديري. … العراق //
((لك الحب وحدك ياعراق))
…………………
أحبك💔 ونته كلّ الحب
أحبّك ياوطن يابيت🏡
ياكل العشگ والشوگ
ياغالي بهواه جنّيت
الك وحدك ابث نجواي
لجلك كل شعر سويّت؟
ياغالي وغرامي وياك
مايخلص ابد ياريت :
اشوفك منتچي ومرتاح
تفرح من صدگ ياليت
ناسك تصحى ونته تگوم
حيلك يرد عالي الصيت
(عيد 💔الحب) طعم مابيه
إذا مو لك فقط هنّيت
شاعر للوطن مجروح
سمّوني وشخت باهيت
بس وصلت تراهي وياي
حدها… ولاتظن ملّيت
عجب ياموطن العشّاگ !
شـاراتك عجب ضمّيت !
بخيت وسيّد اعله الكون
چاوين البخت… ودّيت ؟
گوم انتفض وينه الحيل؟
شوووف بحالك شسوّيت
ياقائـد تقـود الكـون
مگيـود لنذل ظلّيت !
لعبوا جوله بينه شلون
مو كافي العتب وجّيت
يابس وَخْضَرَكْ حرگوه
ياعالي شعجب وطّيت !
الشاعرمحمدكريم راضي البديري.
تعليقات
إرسال تعليق